Skolto: Malsamoj inter versioj

Skolto estas knabo, kutime inter la 11- kaj 17-a jaro de aĝo, kiu partoprenas an la monda [[skolta movado]]. Tiu ĉi movado komencis en 1907, kiam [[Robert Baden-Powell]] aranĝis la unuan skoltan tendaron sur [[Brownsea Insulo]], Suda Anglio. Por subteni tiun ĉi agadon, Baden-Powell skribis la libron [[Skoltado por Knaboj]], kie li celis la legokapablon de la knaboj kaj kie li priskribis la skoltajn metodojn por ennaturaj aktivadoj, por evoluigi karakteron, civitanecon kaj personajn fizikajn kvalitojn inter junularo.

Skoltaj knaboj estas organizataj en [[trupo|trupoj]], averaĝe kun dudek ĝis tridek skoltoj, sub gvido de skoltestro. La trupoj dividiĝas al [[patrolo|patroloj]] de ĉirkaŭ ses skoltoj, kaj engaĝas sin en ennaturaj kaj specialaj interesaktivadoj. Trupoj povas filiiĝi kun naciaj kaj internaciaj organizoj. Iuj naciaj skoltaj asocioj havas specialajn interes-programojn, kiel ekz. Aer-Skoltoj, Mar-Skoltoj, trupoj kun alta grado de ennatura aventuro, Skoltaj bandoj (orkestroj) kaj rajdaj skoltoj. Iuj trupoj, speciale en Eŭropo, estas kun-edukaj (miksitaj knaboj kaj knabinoj) ekde 1970, allasante, ke skoltoj kaj skoltinoj laboru kune en unu trupo kiel geskoltoj.